Kung Walang Artista

Kung walang artista sa mundo

Paano na kung pag-kape tayo

Ano ang ating pag-uusapan

Kung walang artista sa mundo

Paano na kung gusto kong umiyak

Wala nang sinehan

Kung walang artista sa mundo

Sino ang magsasabi sa akin

Kung ano ang uso ngayon

Kung walang artista

Ako naman ang ar-arte

Ako ang artista ng buhay ko

Pan-to

Pan-to ang tawag

Sa salo salo

May kasal

May unang anak

May biyabiyahe

May bumalik sa biyahe

Paikot-ikot si Ma'am Suzie

Nakahanda ang chopsticks ko

Sa kanang kamay

Pagdating ng mani

Kukunin kaagad

Umpisa 

ng marami pang pagkain

Buhay ni Chan Teh

           para kay angkong

Sa wakas

Mas malinaw na ang istorya

Isa't isa kong dinikit

Parang jigsaw puzzle

Parang marami na kanyang

Kababayan sa Tsina

Umalis siya, tumawid ng dagat

Noong sampung taon siya

Para makatulong sa pamilya 

Yan ang dating OFW

Vigan ang naging pangalawang

Bahay niya

Nagtrabaho, nakaipon

Umuwi at nag-asawa

Lumaki ang pamilya

Lumaki ang negosyo

Lumaki din ang poblema 

Noong dumating ang mga Hapon

Nasira ang negosyo

Nasira ang buhay

Umalis na naman

Manila ang pangatlong bahay

Nirerespeto, mabait,

Maganda ang kanyang loob

Hanggang wala na siyang maibibigay

Kundi buhay niya

Natapos ang lahat

Sa Chinese Gen

Huling salita

Noong sesenta anos

Vigan

Kung mawawala ang lahat

Hindi ang siyudad na ito 

Para kay itay 

Pwede siyang lumakad dito 

Kahit nakapikit ang mga mata 

Kaliwa 

Kanan 

Deretso 

Paikot-ikot kami 

Palaging tama ang kanyang turo 

Ganito ba kung tumanda?

Mawawala ang lahat 

Hindi ang siyudad na ito 

Ang Bayan ng Dragon at ang Bayan ng Lechon

Noong maliit pa ako 

Ang sabi sa akin 

Sa malayong lugar

may bayan ng Dragon

Iyan ang bayan mo

Nag-aral, lumaki,

Umalis ako 

Naging dayuhan sa bayan ng  dayuhan

Noong napagod

Ang katawan at puso 

At hinahanap si inay 

Lechon ang aking kinakain 

Barkada

May ngiti sa mukha 

May beer sa mesa 

May tawanan sa gitna

Yan ang pagsasama na wala sa States

Iba talaga

Ang kaibigan mula sa pagkabata 

May pamilya 

May poblema 

May takot 

May galit 

Iba talaga 

Ang kaibigan mula sa pagkabata 

Natapos ang kainan

Natapos ang gabi

Hindi matapos ang aking pagsasalamat 

Kabalintunaan

Nagsamasama tayo at nag-away-away tayo

Parang sibuyas at sibuyas

Parang yelo at yelo 

Iyan ang buhay ng tao 

Ang drama

Ang sama ng loob

Ang tuwang may luha 

Sa araw na ito 

Sa wakas 

Naintindihan ko 

Trapik

Dahil sa trapik 

May motorcycle taxi

Mas mabilis kung makakasingit ka 

Parang ahas ng trapik 

Dahil sa trapik 

May tindero sa gitna ng malaking kalye 

Sigarilyo, tubig at miryenda 

Mini sari-sari store 

Isang trapic 

Isang buhay

Relax ka lang, pare ko 

Makakarating ka rin 

Sa pupuntahan mo

Balikbayan

Mga kalye na may lumang

pangalan, 

Oroqeta, Gandara, Ongpin

natuwa ako, 

parang kaibigan na kilala ko.

Moonlight bakery

Open 24 hours,

Aba! Napaka romantic, siguro 

may harana din

Wash, dry, press

P55/kilo

Ang mga damit ay parang

prutas at gulay,

tinitimbang ka 

Nasaan na ang Betamax store

Nasaan na ang barbero 

Tumanda at lumaki na ako

Ang puso ay bata pa rin

Umuwi Ako

Ganoon sila magsalita 

Putol, pero naiintindi ko 

Magkano, bigas, sabay turo 

Ganoon sila magsalita 

Walumpung taon na

Ganoon pa rin ang salita nila 

Ako naman, pinag-anak dito 

Umalis 

Mas mabuti ang Tagalog

Hindi putol pero may Tsino 

Sa tunog, gaya ng mestisong 

Mangga at mansanas, iba 

Ang amoy at lasa 

Dalawang araw na

Putol pa rin ang tulok ko 

Sabi ng kaibigan ko kagabi 

Umalis siya ng anim na taon 

Isang taon bago nasanay siya

Dalawampu't limang taon sa akin 

Matagal pa 

Para masanay 

Bingi

Mahirap  aminin pero totoo

Mahina na ang tenga ko 

Kahit ano ang sabihin mo 

Ngiti lang ang sagot ko 

Mahina na ang tenga ko 

Siguro mas masaya, puro ngiti 

Ngiti lang ang sagot ko 

Bakit? Sabi mo, ano ang nangyari 

Siguro mas masaya, puro ngiti 

Masaya din kayo kahit paano 

Bakit?  Sabi mo, ano ang nangyari 

Iba na lang ang ating usapan 

Masaya din kayo kahit paano 

Magkaibigan din tayo kahit paano 

Iba na lang ang ating usapan 

O tahimik na lang ako, mga kaibigan 

Lauriat

Parang umiikot na buffet

Iba talaga ang kainan dito

Ang lola sa kaliwa 

Binigay sa akin ang hipon 

Ang lolo sa kanan

Binigay sa akin ang sabaw 

Paikot-ikot ang pagkain 

Paikot-ikot ang ulo ko 

Tama na ba?

Kasal sa Simbahan

Bilang  isang makata at photographer

Di ko alam kung saan ako titingin 

Sa mga mahal na kamera 

O iba't ibang makulay na bulaklak 

Katoliko ka pala

Sabi ng isang kaibigan

May asawa ka, makinig ka

Sabi ng isa pang kaibigan 

At nang matapos ang seremonya 

Walang bigas na tinatapun, bawal 

Bubbles na lang 

Mabuhay

Alam ko na nasa bahay na ako

Nakauwi

Malagkit na naman ang balat 

Iba ang amoy 

Iba ang tunog ng kapitbahay 

Tumiktilaok ang manok 

Sabi ng buong katawan ko 

Mabuhay 

Intro

When in Rome, be a Roman.
I'm home, in Manila.
I will write my poems in Tagalog.
The beginning of a new collection.

Maraming salamat po!